ER DEBER CUMPLIU (Escena rural extremeña)

Autor: Terly
.
.

ER DEBER CUMPLIU

(Escena rural extremeña)

Cògite a’er muchachu, Manuela
y traitelú con er ganau
que ayude cuando para la puerca
que vea que no tó es regalau,
que arrejunte a tos los cochinus,
y se lleve las cabras ar prau,
qu'este escamochu va creciendu,
depriesa, a jarapal sacau
e tiè qu'echarnu una manu,
que yo, ya me sientu cansau.
Mostrale to lo que habemu aprendiu
y lo güenigmo qu'es er trabaju
que de mañana antiyel lo he sorprendiu
como andaba tirandu a los pàjarus.
Los gurriatus le tien tanto mieu
que abandonan los nius escapau
dejandu solus los poyuelus
en peligote, al borde asomau.
Veleaile, ahí llega er mozuelu
hechu un farragua, desmelenau
que se avíe y se atuse esus pelus,
que trabaji, que es cosa de honraus.
Tientelo to er jornal a tu vera,
que jaga er trabaju mandau
y que en cayendu el sol por la terdi
arreajunte en la majá to’er ganau.
Qu'aprenda a palrá con las vacas,
que se sienta uno más der ganau
y cuandu s’apañe una buena moza,
del tó se sienta realizau.
Asina podremus jincarla,
cuandu llegu'er momentu, que ya està’r lau,
con er deber de padres cumpliu,
er que los nuestrus na'habian señau.
JJRME (Terly)

.